Biilit suli amerliartorput
2016-imi januaarip aallaqqaataani Kalaallit Nunaanni biilit nalunaarsukkat 4.186-iusimapput. 2015-imi januaarip aallaqqaataanut sanilliullugu biilit 158-inik amerlisimapput 3,9 pct-imik qaffassimallutik. Qamutit motoorillit assartuinermut atortut 2016-imi januaarip aallaqqaataani 1.315-iusimapput. Ukiup siulianut sanilliullugu qamutit motoorillit assartuinermut atortut amerlassusaat nikippiarsimanngillat tamanna titartakkami 1-imi takuneqarsinnaavoq.
Titartagaq
1. Januaarip aallaqqaataani
biilit inunnut angallatit amerlassusaat
Najoqqutaq: Akileraartarnermut Pisortaqarfimmi qamutit motoorillit nalunaarsorsimaffik Naatsorsueqqissaartarfimmit misissoqqissaagaaq
2016-imi januaarip aallaqqaataani biilit assigisaallu 8.078-it nummerpladellit nalunaarutigineqarsimapput. Taakkunannga 7.918-it qamutaapput motoorillit 160-illu kalitaallutik.
Saqqummersitami paasissutissat Akileraartarnermut Pisortaqarfimmi qamutit motoorillit nalunaarsorsimaffiat tunngavigalugu suliarineqarput. Qamutit motoorillit akileraartussaatitaaneranut inatsit malillugu qamutit motoorillit aamma kalitat nalunaartussaatitaasut tamarmik nalunaarsuifimmi ilaapput. Qamutit motoorillit ukioq affakkaarlugu akileraartussaatitaasut aamma qamutit motoorillit akileraartussaatitaanngitsut ilaapput. Nalunaaruiffimmi pineqartut tamarmik nummerpladeqarput. 2013-i aallernerfigalugu snescooterit, traktorit, qamutit kalitat, lastbiilit kalitaarsui il. il. nalunaarsuiffimmut ilanngunneqarput.
Nalunaartussaatitaasut saniatigut qamutit motoorillit nalunaarsuiffiannut nalunaartussaatitaanngitsut ilaapput. Tassaapput qamutit motoorillit ungalusani inunnit orninneqarsinnaanngitsuni imalluunniit qeqertani avinngarusimasuni atorneqartut.
Ukiut ingerlaneranni biilit inunnit atorneqartartut amerlatsikkiartuaarsimapput, tassunga tunngatillugu titartagaq 2 takuneqarsinnaavoq. 2016-imi januaarip aallaqqaataani biilit 4.186-iusimapput, taakkunannga 2.408-it inunnit pigineqarput 1.778-illu inuussutissarsiortunit pigineqartutut nalunaarutigineqarsimallutik. 2013-imi nummerpladellit nalunaartussanngortitaanerisa kingorna qamutit motoorillit inuinnarnit pigineqartut amerlatserujussuarput. Titartakkami 2-mi qamutit motoorillit allat aamma qamutit motoorillit ilaapput biilit inunnit pigineqartut titarnermut tassunga ilanngunneqanngillat.
Titartagaq 2. Januaarip aallaqqaataani qamutit motoorillit nalunaarutigineqarsimasut amerlassusaat
Nalunaarut: Qamutit kalitat titartakkami ilaanngillat. Qamutit motorillit inunnit pigineqartut ilaatigut tassaapput snescooterit, taakku 2013-imi nummerpladelinnik nalunaartussanngortitaaneq pissutaalluni 2014-imi nalunaarutigineqartut amerlasoorujussuupput.
Najoqqutaq: Akileraartarnermut Pisortaqarfimmi qamutit motoorillit nalunaarsorsimaffik Naatsorsueqqissaartarfimmit misissoqqissaagaaq
Politiit kisitsisitigut paasissutissaataat malillugu 2015-imi qamutit motoorillit 2.275-it nalunaarsorneqarsimapput. 2012-imut sanillugu arfineq pingasoriaatimiit amerlanerupput, taamani qamutit motoorillit 262-it nalunaarsorneqarsimapput. 2013-imi qamutit motoorillit amerlatserujussuarnerannut pissutaavoq maskiinat entrepenørit atortagaat, qamutit kalitat, lastbiilit kalitaat, traktorit il. il. nummerpladeqartussanngortitaanerat nalunaarutigineqartussanngortitaanerallu. 2002-mi, 2013-imi aamma 2014-imi nutaatut nalunaarutigineqarsimasut kisitsisaat immikkuullarissut Kalaallit Nunaanni Politiinit ajunnginnerarlugit akuerineqarput.
Titartagaq
3. Biilit inunnit pigineqartut nutaatut nalunaarsukkat
Najoqqutaq: Kalaallit Nunaannit Politiit – Ukiumoortumik kisitsisitigut paasissutissiaq
Malugiuk: 2002-mi, 2013-imi aamma 2015-imi nutaatut nalunaarutigineqarsimasut politiinit akuersaarneqarput.